今年首套限量節日彩妝♡Laura Mercier Grand Ball 巴黎舞會系列

 

踏入11月

代表住我全年最期待嘅聖誕節又就快到喇🎅！

為咗扮靚靚去各種聚會😌

同埋博得已經就快睇厭我嘅肥仔一讚😂

當然要早早開始著手準備！

特別推出嘅節日系列彩妝每次都令人驚喜滿溢(搓手手

就好似Laura Mercier今年嘅

Grand Ball 巴黎舞會💃🏼限量節日系列

以巴黎大皇宮中高貴典雅嘅設計為靈感🏰

星夜亮金包裝 優雅華麗 高級感滿滿

加上Laura Mercier嘅「Effortless Artistry」法式彩妝美學

推出一系列迷人金調彩妝 啱曬嚟緊一連串嘅假日活動

自用CP值極高 送禮都非常得體大方🛍

講到今次必入嘅一定係巴黎舞會胭脂光影盤

打開見到壓印上巴黎星夜圖騰 真係靚到遲遲唔捨得用🤭

一套貼心包含曬3款全新玫瑰粉紅色調極致潤色胭脂

仲有2款質感絲滑亮肌塑顏光影粉

選擇困難症揀唔到買咩色好 呢一套就啱曬🥰！

一set就足夠為你出席各種場合打造出唔同嘅妝感

色調氣質優雅 自然紅潤 粉質細膩滑順

配合細緻嘅highlighter可以多角度折射出柔和金光

打造出小臉效果 突顯輪廓

絕對令你成為人群中耀目亮眼嘅小仙女🤗

而作為有名嘅底妝專家

Laura Mercier嘅妝前底霜一直聲名顯赫

節日嚟到有佢助陣upgrade完美底妝

全日維持妝容水潤無瑕

真係玩通頂都唔洗擔心日出會嚇親男神😌

期間限定嘅極致持久妝前底霜套裝包含

極致持久水凝潤澤妝前底霜

極致持久柔霧妝前底霜

極致持久透亮妝前底霜

25ml旅行裝版本更容易收納 方便攜帶👍🏻

有齊一套可以隨時根據肌膚狀況去變換或者混搭使用

或者你仲可以夾埋姊妹share一齊買添🤭

以前我對眼影筆感覺唔好 覺得好難用 容易卡色

今次見到星夜微醺迷你 3 色眼影筆套裝顏色咁吸引

當下決定一於豁出去 就試下會唔會對眼影筆從此改觀🤣

佢3隻色都係LM幻魅眼影筆嘅熱賣色調

珠光桃啡色 Cocoa、煙燻灰紫色 Amethyst

同埋金屬銅色 Copper 顏色百搭易襯完全唔伏😌

而膏狀質地方面非常滑順 容易推開

顏色鮮明飽滿 光澤感自然細膩

滋潤抗皺 持久度更高

今次佢完全化身神隊友！！

無論Party玩得幾癲絕對放心能夠靚到完場😏

今個秋冬 一齊用佢地打造雍容華貴嘅優雅氣質

人人都有一顆貪靚嘅心 人人都可以成為小仙女👸🏼

有興趣就快啲去Laura Mercier嘅專櫃入手啦🎁

#LAURAMERCIERbyHK #GrandBallCollection #巴黎舞會 #法式輕紗亮金妝 #OinkOinkPR @OinkOinkPR