享受幸福冬日盛宴♡牛舞日本燒肉

 喺凍到叫人瑟瑟發抖嘅冬季❄️，

相信無任何一句說話能夠比【不如一齊去食燒肉】

更誘惑同令人有出門嘅動力😂，

之前去咗銅鑼灣利舞台嘅牛舞日本燒肉，

環境舒適寬敞，好適合同三五知己嚟相聚放鬆度過～

-

今次我地揀咗set A日本薩摩和牛放題

包含曬A,B,C餐所有食物🤗，

薩摩牛嘅油花豐富 ✨️入口即化，香而不膩。

-

首先店員會幫忙烹調和牛壽喜燒，

肉質軟嫩細緻☺️配上蛋汁口感非常香滑。

-

燒肉方面都有多款部位可以任點任食，

我最愛薩摩牛牛肋肉，滋味細膩醇厚😋入口即溶超軟滑。

薩摩牛牛赤肉都非常出色，

肉味濃郁且帶有細緻甜美嘅赤身肉風味🤤。

另外佢地仲有好多海鮮種類選擇，

必點之選一定係甲羅燒👍🏻，

蟹蓋內滿滿蟹膏加上鮮甜蟹肉，

味道濃郁香氣翻騰😌令人一試難忘。

-

外面嘅半自助吧有熟食同炸物😚，

亦有多種蔬菜可以自取食用。

甜品吧方面都非常有驚喜，每款都精緻又吸引，

仲有好多雪糕雪條選擇添☺️。

食烤肉簡直係最幸福嘅冬日享受🤭約埋朋友嚟食就啱曬啦。